ملف من عصائر للرمضان

اهلا وسهلا بكم عزيزاتي نسومات

بما احنا في استعداد لدخول رمضان الله يدخل علينا بصحة وسلامة

بما انو جا في صيف ديما حاجة باردة كنقلبو عليها ومن ضمنها العصائر لهد قلت نجمع اكبر عدد من عصائر

نتمنى يعجبكم ولا تنسني من صالح الدعاء ولو في ضهر الغيب ولكم بمثل بحول الله


بسم الله



غنحتاج نصف لتر من عصير اليمون الابغيته خاتر كتستعل
2بنانات
2تفاحات
2دانون فاني
والسكر حسب الدوق
الا مابغيتوهش خاتر كم درة انا دير غير
بنانة
تفاحة
1دانون فاني
والسكر حسب الدوق

[ندعوك للتسجيل في المنتدى أو التعريف بنفسك لمعاينة هذه الصورة]



*********************************

اليوم جبت ليكم هاد العصير هو في الحقيقة ساهل وفي متناول الجميع
كما كيعرفو الاخوات منين كنشريو سويهلة وكتخرج لينا مسوسة كنضطرو نلوحوها والله مكيبغيش التبدير على هاد السبب درت هاد العصير باش الاخوات ميبقاوش يلوحو سويهلة
[ندعوك للتسجيل في المنتدى أو التعريف بنفسك لمعاينة هذه الصورة]
المقادير

سويهلة
نصف لتر حليب
سكر حسب الذوق

المقادير
نأخد مولنكس ونضع الحليب وقطع سويهلة وسنيدة ونطحن الكل جيدا وندخله للتلاجة حتى يبرد ويقدم بالصحة والراحة
كنتمنا هاد العصير يروق ليكم

************************
للي عاملين رجيم وصل كوكتيل الرشاقه


المقادير:

عصير ليمونة
عصير برتقالة
حبة موز



الطريقة:

تخلط جميعا بالخلاط الكهربائي
وتشرب بالعافية
يستخدم هذا العصير اثناء عمل الرجيم 3 كوب باليوم

*******************************

كوكتيل رمضان

المقادير
موزة
تفاحة
عصير برتقالة
13 حبة فراولة طازجة أو مثلجة
حبة مانجا طازجة أو مثلجة
حلقتين من الأناناس المعلب + القليل من عصيره
كوب حليب
فنجان سكر
صبغة لون أحمر (القليل)


الطريقة
تضرب جميع المقادير في الخلاط و يمكن تزينها ببعض اوراق النعناع او شرائح البرتقال

****************************


اليوم جبت ليكم واحد العصير روعة بمكونات بسيطة

المقادير

الفريز+الليمون+الحليب+النشا+سنيدة


[ندعوك للتسجيل في المنتدى أو التعريف بنفسك لمعاينة هذه الصورة]

كنشدوا الحليب نديرو معاه 2 معالق كبار نشا + 2 معالق كبار سنيدة -ممكن اضافة قطرة ديال ماء الزهر اختياري-

نديروه فوق البوطة مع التحراك حتى يعقد و نخويه في كؤوس و ندخله للمجمد شوية
ن ندوزو لليمون حتى هو نعصروه و نزيدو عليه 2 معالق كبار نشا + 2 معالق كبار سنيدة نديروه حتى هو فوق البوطة يعقد و نخويه على الحليب و نرجعوه للمجمد يشد راسو و أخيرا الفريز نطحنوه مع شوية د الماء أقل من نصف كأس و نزيد عليه 2 معالق كبار سنيدة + 2 معالق كبار نشا و نديرو فوق البوطة يعقد حتى هو و نكبوا على الليمون و هد المرة ندخلوه غي للثلاجة ماشي المجمد

حتى يبرد مزيان و نقدموه

بالصحة و الراحة



*********************************
رايبي جميلة بنكهة الرمان صنع منزلي

التر لبن buttermilk
كوب صغيرسكر
كوب صغيرسيروب بنكهة الرمان
كوب صغير حليب باودر*نيدو*
ملعقة كبيرة فانيليا
نصف كوب ماء بارد
يوغورت بنكهة التوت

الطريقة
في الخلاط الكهربائي نضع اللبن وحليب باودر
ثم سكر والفانيليا

ثم يوغورت بنكهة التوت والماء البارد
سيروب بنكهة الرمان
نضرب الكل جيدا في الخلاط
ويقدم باردا ومذاقه يشبه رايبي راائع

[ندعوك للتسجيل في المنتدى أو التعريف بنفسك لمعاينة هذه الصورة]

************************************

رايبي بثلات نكهات مختلفة

المقادير

2 ليتر ديال الحليب

6 معالق ديال السكر

1 معلقة صغيرة ديال الفاني

شكلاط من النوع الممتاز

1 معلقة صغيرة ديال نكهة الفريز

1 معلقة صغيرة ديال نكهة البرتقال

2 كيسان ديال دانون طبيعي


الطريقة

كنديرو الحليب فاناء و نزيدو عليه السكر و الفاني و نديروه حتى يغلى و نخليوه حتى يدفا


ملي يبرد الحليب شوية كنزيدو عليه دانون و نخلط مزيان

كناخدو الجزء الاول كنزيدو عليه الشكلاط و نخلطوه مزيان و نديروه فزلايف او كيسان حسب الموجود

كناخدو الجزء الثاني كنزيدو عليه نكهة الفريز و نعملوه حتى هو فكيسان او زلايف


كناخدو الجزء الاخير كنزيدو عليه نكهة البرتقال و نعملوه فالزلايف او الكيسان

كنديروه فلاطة ديال الفران و نغطيوه و ندخلوه للفران مدة 8 حتى ل10 ديال الساعات ثم ندخلوه للتلاجة باش يبرد و نقدموه بالصحة و الراحة


***************************************

بسم الله الرحمن الرحيم السلام عليكم ورحمة الله وبركاته

عصير الكرعة و الليمون

للعصير ديال الكرعة حاجتنا لكرعة احمرا و عصير البرتقال وياغورت بنكهة المشماش او الخوخ

كنفورو الكرعة


و نخلطوها فالمولينيكس مع حاجتنا ديال السكر و الليمون و دانون
و يتحط فالتلاجة احتى يبرد

[ندعوك للتسجيل في المنتدى أو التعريف بنفسك لمعاينة هذه الصورة]


***********************************
عصير الباربا و الخيار

حاجتنا لباربا مسلوقة و خيارة مقشرة و عصير الليمون و السكر حسب الدوق

يتطحنو كاملين ويتقدمو باردين

[ندعوك للتسجيل في المنتدى أو التعريف بنفسك لمعاينة هذه الصورة]

**********************************
عصير الزبيب بالتفاح


اولا تاناخدو كاس زبيب مع كاس ونصف ماء ونعموهم فوق نار لما يغليو نطحنوهم ونصفيو الكل لما يبرد جيدا نزيدو 1تفاحة مع 3كيسان حليب (بدون سكر لان الزبيب حلو)يطحن الكل


[ندعوك للتسجيل في المنتدى أو التعريف بنفسك لمعاينة هذه الصورة]


*************************************

عصير الاجاص باللوز غبرة
حليب ،تلج ،اجاص ،لوز ,سكر

[ندعوك للتسجيل في المنتدى أو التعريف بنفسك لمعاينة هذه الصورة]

**********************************

دلاح
فريز
عصير ليمون

يتطحن الكل فمولينكس مع السنيدة

و بالصحة والراحة تبردو مع هاد الحرارة

[ندعوك للتسجيل في المنتدى أو التعريف بنفسك لمعاينة هذه الصورة]

**********************************


هدا مجربه البنات كيجي روعة

كتخدو لفريز شي 200 g او كاس كبير ديال لحليب او كويرة ديال أيس ديال لفانيلة وسكر حسب الدوق أنا كنعوضو بلعسل

اتتهاً الكل مزيان او خاص كلشي اكون برد بش تما تقدمه روعة على حسابي

[ندعوك للتسجيل في المنتدى أو التعريف بنفسك لمعاينة هذه الصورة]


*******************************

عصير الفراولة الفاخر



المقادير:

- علبة فراولة طازجة
- 1 كوب حليب طازج
- 1 علبة أيس كريم فانيلا ( صغيرة الحجم بسعر 1 درهم )
- 3 ملاعق طعام سكر ناعم


الطريقة:

- تغسل الفراولة جيداً ثم تقطع وتوضع في الخلاط يوضع عليها الأيس كريم و الحليب و تمزج .
- يضاف السكر و يمزج الخليط جيداً إلي ان يمتزج ويصبح متجانس .

****************************


عصير الجزر المسلوق





المقادير:

4 من حبات الجزر مقطعة صغيرا
5 حبات برتقال
سكر حسب الرغبة
موزتان
ربع كيلو فرولة
علبتان من الزبادي بنكهة الفراولة


الطريقة:

يسلق الجزر مع كمية من الماء ثم يترك حتي يبرد ويحتفظ بماء السلق نضيف إليه السكر والموزتان مقطعة إلى دوائر والفراولة بعد غسلها ونزع أوراقها وتقطيعها إلى قطع صغيرة+علبتان من الزبادي ثم يصب الخليط في الخلاط ويطحن إذا كان الخليط خاترا فإننا نضيف الماء والسكر حتى يصير خفيفا بعض الشيء ويترك في البراد ويقدم باردا.


***********************************


السلام عليكم كيديرين معا هاد الصهد , باينة سخن عليكم الحال , ها انا لقيتلكم الحل , عصيري ديال الحانوت 100% , نخليكم معا المقادير :
كنحتاجو :
2 دانون ديال الفريز + حبة بطاطس مسلوقة + حبة جزرمسلوقة + كاس العنبة ديال سنيدة + نفس الكاس ديال عصير ليمون + نصف لتر حليب + خميرة الفاني

[ندعوك للتسجيل في المنتدى أو التعريف بنفسك لمعاينة هذه الصورة]


كنديرو الجزر او البطاطس فمولينيكس كنضيفو عليه كلشي ماعدا الحليب ,
[ندعوك للتسجيل في المنتدى أو التعريف بنفسك لمعاينة هذه الصورة]

كنطحنوه كانزيدو الحليب شوية بشوية حتى كيتطحن مزيان , ويولي بحال الكريمة اونزوقوه باش ما بغينا

جربوه راه مافيهش شيحاجا قاسحا صيفطو داااااااااااااااااااابا ولادكم ايجيبوليكم المقادير هههههههههههههه اوردو عليا الجواب

[ندعوك للتسجيل في المنتدى أو التعريف بنفسك لمعاينة هذه الصورة]


**************************************
باسم الله الرحمان الرحيم

السلام عليكم و رحمة الله


هدا عصير الليمون المثلج المفضل عندي فهاد الصهد

حيت منعش و بارد

كناخد حبة او حبتين ليمون نعملهم فالثلاجة حتى يجمدو





من بعد نحكهم فالحكاكة حتى يرجعو بحال هاد الشكل


كناخد ماء بارد + مكعبات الثلج كنخويهم فالكاس و نضيف ليهم الليمون المبشور و نخليهم يطلقو فبعض واحد 10 دقائق

كنضيف السكر

و من بعد ملي نبغي نقدمه نصفيه و ها هو واجد بألف صحة و هناء
ساهل مياخدش وقت كبير و منعش فنفس الوقت

دمتم سالمين

*********************************

مقادير

حضري عصيري في البيت دون اللجوء لشرائه
كاس عنبة عصير الليمون
ياغورت بنكهة الفريز
كاس عنبة معامرش سنيدة
حبة جزر
حبة بطاطس
نصف لتر حليب
طريقة تحضير عصيري في البيت بالصور
كنسلقو الجزر والبطاطس ونقطعوهم طراف صغار ونديرو جميع مقادير عصيري في الخلاط الكهربائي ونطحنو عصيري



ونقدمو عصيري بارد



السلام عليكم ورحمة الله وبركاته

بسم الله الرحمن الرحيم

طبعا الفواكه فيها فوائد كثيرة والوليدات قليل فين تاياكلوها فما فيها باس نعملوهالهم عصائر ساهلة واقتصادية احسن من ديك العصائر الجاهزة (جني فيها ما تنحملهاش)

حاجتنا ل خوخ ماء سكر
تاناخدو الخوخ نغسلوه و نقسموه على 2 ونعموه في طنجرة نغطيوه بالماء الكافي ونخليوه يتصلق حتى يتغير لونو تقريبا 30 دقيقة (هاد العملية كانت عندي جاهزة في المجمد باش تايبقى الخوخ على دور العام )

تانديرو الخوخ بالماء ديالو +سكر حسب الدوق في الخلاط


[ندعوك للتسجيل في المنتدى أو التعريف بنفسك لمعاينة هذه الصورة]

********************************

حبيباتي

عصير اليوم:




عصير الخوخ بالكرموص الاسود لذيذ جدا و صحي





ان شاء الله ينال اعجابكن

نخليكم مع المقادير و الطريقة




المقادير :


دائما الكميات حسب عدد الاشخاص




خوخ
الكرموص الاسود
ماء للطحن لو لم يتوفر عصير الليمون
سكر



شخصيا لكل كاس عصير من الحجم الكبير كنعمل :
نصف خوخة كبيرة لو كانت صغيرة ديريها كاملة
+ 2 كرموصات
و كنضيف الماء او عصير الليمون حسب الكثافة للي بغيت




الكميات حسب عدد الاشخاص



مثلا الى درتو رابعة ديرو رابعة من كلشي المقادير بنفس الكمية
باش يجيكم العصير متجانس و سميك نوعا ما ماشي غير ماء جاري




وممكن تعوضو الفواكه بالمتوفر عندكم حسب الرغبة



الطريقة :

اولا كنغسلوالفواكه فالماء و الخل و كنضفوها مزيان







شخصيا مكنقشرش الفاكهة لان القشر كيعطيني طعم و قوام مميز اضافة الى اللون و الفائدة اغلب الفيتامينات كتكون مركزة فالقشرة فمن غير الصحي نلوحها



كنقطع الخوخ و نحيد ليه العلف

و كنقطع كذلك الكرموص









ثم فالخلاط كندير الماء غير القياس للي يسهل طحن الفواكه جيدا
والخوخ و الكرموص
وكنطحن الكل مزيان
حتى كيتجانسو








ثم كنضيف الماء الباقي
او عصير الليمون
و السكر حسب الذوق
و كنطحن الكل مرة اخرى




حتى الحصول على عصير بقوام كثيف





يعني قياس الماء حسب عدد الكؤوس للي بغيتو تقدمو
اي حسب عدد الاشخاص كل كاس كبير بنصف كاس متوسط او بكاس صغير
العبار كيبقى حسب احجام الكؤوس كاين ديال 15 او 25 او 50 او 75 سنتيليتر او اكثر

انا هنا استخدمت كؤوس من الحجم الكبير 50 سنتيليتر




زينت الكؤوس بشريحة خوخ و كرموصة مفلحة على 4 على شكل زهرة اوركيد




التقديم :



كيف العادة كنقدم العصير مباشرة بعد الطحن



مزين بكريميصة و شريحة خوخ

*******************************

اتمنى يعجبوكم لا تنسوني من الدعاء لي بشفاء

هادشي بنين تبارك الله عزيزتي