حلوة ساهلة واقتصاديه

السلام عليكم


أخواتي الحبيبات

هادي واحد الحليوة زوينة بزااااف و كتجي هشيشة و لديدة بزااااف.كانت عطاتني المقادير ديالها واحد الصديقة و ملي جربتها وليت كنحضرها في كل المناسبات و الأعياد لأنها ساهلة و ممكن تتفنني فيها و تزينيها كيف بغيتي و حسب الموجود عندك.
نتمنى تجربوها و تعجبكم بحالي.

نبدأ على بركة الله

المقادير:


400غ مايزينا
5 صفار البيض
نصف رابعة السنيدة
200غ الزبدة ماركارين
1 كيس و نصف خميرة الحلوة

للتزيين:

قرعة ديال الشكلاط للدهن أسود (نوتيلا مثلا)
باسطا مطحونة أو الكوك أو اللوز أو كاوكاو .اللي عجبك .




الطريقة:


تخلطي الزبدة مع سنيدة مزيان حتى تولي بحال الكريمة

[ندعوك للتسجيل في المنتدى أو التعريف بنفسك لمعاينة هذه الصورة]

تضيفي ليها صفار البيض و تخلطي و في الأخير تزيدي المايزينا و الخميرة

[ندعوك للتسجيل في المنتدى أو التعريف بنفسك لمعاينة هذه الصورة]

حتى تحصلي على عجينة لينة


[ندعوك للتسجيل في المنتدى أو التعريف بنفسك لمعاينة هذه الصورة]

تعملي من العجين كويرات صغار بزاف لأنها كتنفخ في الفران


[ندعوك للتسجيل في المنتدى أو التعريف بنفسك لمعاينة هذه الصورة]

و تدخليها في فرن معتدل الحرارة.ملي تبان ليك شدات فراسها و بدا لونها كيتدهب شوية خرجيها.لازم تبقى بيضاء يعني ما تخليهاش تتحمر


تدوبي الشكلاط ديال الكاس اللي ديال الدهن و يكون كله أسود في كاصرونة مع شوية الزيت .تغطسي الكويرات في الشكلاط و تمرمديهم في الباسطا مطحونة أو اللوزمقلي و مهرمش أو كاوكاو أو الكوك حسب الرغبة ديالك.

أنا عملت بهاد المقادير 2 شكال:
الجزء الأول غطسته في الشكلاط و مرمدته في اللوز مقلي و مهرمش.
و الجزء التاني غطسته في الكونفتير المشماش اللي نكون زدت عليه شوية الماء الزهر و سخنته حتى يطلق و نصفيه.و من بعد لصقت كل زوج كويرات و مرمدتهم في الكوك.

و في الأخير تديري الكويرات في الكويغطات ديال الحلوى و تقدميهم بالصحة و الراحة
اللهم أدمها نعمة و بارك لنا فيها و احفظها من الزوال.


[ندعوك للتسجيل في المنتدى أو التعريف بنفسك لمعاينة هذه الصورة]


نتمنى تعجبكم

منقول للافادة وجزة الله مولتها

بارك الله فيك